බිත්තර නෝනා වාහන පාක්එකේ අලි වලියක

පසුගිය අඟහරුවාදා උදෑසන පේරාදෙණියේ පිහිටි සත්ව නිෂ්පාදන හා සෞඛ්‍ය දෙපාර්තමේන්තුවේ ප්‍රධාන කාර්යාලයට රාජකාරියක් සඳහා පැමිණි මහත්මයෙකුට ලොකු ඇබැදියකට මුහුණ දීමට සිදු වනා. ගේට්ටුවෙන් ඇතුළු කරන ලද තම වාහනය වාහන නවතා තබන තැනට ගෙන යමින් සිටියදී ඉදිරියෙන් පැමිණි කාර් එකක් තමාගේ වාහනය හරස් කිරීම නිසා මේ ඇබැද්දිය සිදුවිය.

වහාම වාහනය ඉවත් කරගන්නා ලෙස ඉදිරියෙන් පැමිණි කාර් එකේ රියදුරු මහතා සංඥා කිරීම නිසා කලබලයටත් අපහසුතාවයටත් පත්වූ මේ පුද්ගලයා ද එම කාර් රථය ඉවත් කරගන්නා ලෙස සංඥා කළා එවිට කාර් රථයෙන් බැස්සේ එසේ මෙසේ පුතයෙක් නොවූයේය.

ඒ වර්තමානයේ මහත් කතාබහට ලක්වී ඇති බිත්තර නාටකයේ ප්‍රබල චරිතයක් රඟන අධ්‍යක්ෂ ජනරාල් වරිය හා එයාගේ අධ්‍යක්ෂ මහත්තයාය. දෙන්නගෙ DG ඌෂ්ණය ඉහවහා ගියේය. ඒ සමගම තමා අහවල් අධක්ෂ බවත් මේ ඉන්නේ අධක්ෂ ජනරාල් බවටත් ගෙරවූ මේ දෙදෙනා වහාම අදාල වාහනය මෙතැනින් ඉවත් කරගන්නා ලෙස බල කලේය. එයට ප්‍රතිචාර දැක්වූ ආදාල සේවා අපේක්ෂිත පුද්ගලයා "ඔයා DG නම් ලොකුවට වාහනේ බෝඩ් එකක් ගහගෙන එන ලෙසත් තමා ආවේ රාජකාරී කටයුත්තකට බවත් මතක් කර දෙමින්" දෙන්නට ලුනු ඇඹුල් සහිතව දේසනා කළේය.

ඉන් තවත් කිපුණු මේ ජෝඩුව පසුදා සිට සමහර නිලධාරීන්ගේ විරෝධය මධ්‍යයේම පුද්ගලික වාහන කාර්යා භූමියයට ඇතුල් කිරීම වලක්වමින් ලියුමක් ගැහුවේය. දැන් මරේ මරුය. දෙපාර්තමේන්තුවෙන් වැඩ රාජකාරී කරගැනීමට එන සියලු පුද්ගලික වාහන මහපාර දෙපැත්තේය. එපමණක් නොවේ. සේවක සේවිකාවන්ගේ සමහර වාහනද මේ නිසා මහ පාරේය.හරි අපූරුය. උෂ්ණේ පිටවුනේ වෙන තැනකින්ය. දැන් එයාලා සතුටින්ය. මිනිස්සුගේ වාහන පාරේය.මේ කරුණු රටේ ජනතාවගේ හා බලධාරියාගේ දැන ගැනීම පිණිසය.