මඟුල් ගෙදර ඉතුරු කෑම ඉල්ලුව කුසගින්නේ සිටි දරුවන් පස්දෙනෙකු දණගැස්සූ නරුම නගරාධිපතිනිය

වැලිගම නගර ශාලාවේ පැවති මංගල්‍යය උත්සවයකට අනාරාධිතව ගොස් ආහාර ගැනීමට උත්සාහ කළ බව කියමින්, කුසගින්න ඉතා මගුල් ගෙදර ඉතුරුවෙන ආහාර ඇත්නම් කෑමට එහි ගිය පාසල් සිසුන් පස් දෙනකු එහි සේවකයන් අල්ලා නගරාධිපතිනී යමුනා කාන්තිද මැදිහත්ව එම සිසුන් දණගස්වා පොලීසිය වෙත බාර දීමේ සිද්ධියක් වාර්තා වේ.

මෙම සිද්ධියට මුහුණ පා ඇත්තේ, නගර ශාලාව අවට පදිංචි අවුරුදු 12,13,16,17 වයසේ පසුවන සිසුන් පස් දෙනෙකි.

නගරාධිපතිනියගේද දැනුම් දීම පරිදි පොලීසිය පැමීණ එම සිසුන් පස් දෙනා වැලිගම පොලීසිය වෙත කැදවා ගෙන ගොස් පැය කිහිපයකට පසු ඔවුන්ගේ දෙමව්පියන් කැඳවා ඔවුන් වෙත මුදා හැර තිබේ.

මෙම සිද්ධියට ලක්වු සිසුවකු පැවසූවේ,

"එම විවාහ මංගල්‍යයවලට විශාල පිරිසකට උයනවා. එතැන ඉතිරි වන කෑම කන්න අපි මීට පෙරත් ගිහින් තියෙනවා. කෑම උයන අංකල් කෙනෙක් තමයි අපිට කාලා යන්න එන්න කීවේ.ඒ අනුව අපි පස් දෙනා ගියාම එතන හිටපු කෙනෙක් පොඩ්ඩක් ඉන්න කීවා.

ඒ අතරතුර දී නගරාධිපතිතුමිය හා තවත් කිහිප දෙනකු ඇවිත් අපිට බැනලා පඩි පෙළ ළඟ දණ ගහ ගෙන ඉන්න කීවා. විශාල පිරිසක් හිටපු නිසා අපිට ඒ වෙලාවේ ලොකු ලැජ්ජාවක් ඇති වූණා.

ටීක වේලාවකට පසු පොලීසිය පැමිණ අපිව රැගෙන ගියා. එහෙදිත් බැනලා පැය තුනකට පසුව අපි අම්මලා තාත්තලාට භාර දුන්නා." යනුවෙනි.

මේ පිළිබඳව වැලිගම නගරාධිපතිනී යමුනා කාන්තිගෙන් විමසූ විට කියා සිටියේ අදාල පිරිස ළමුන් නොව කෑම බලහත්කාරයෙන් මංකොල්ලකෑම සඳහා පැමිණි පිරිසක් බවයි.

ඔවූන් දනගැස්වීමක් සිදු නොකල බවද ඇය පවසයි.