තවත් Starlink චන්ද්‍රිකා 46ක් සාර්ථකව කක්ෂගත කෙරේ..

සුප‍්‍රසිද්ධ ව්‍යාපාරික එලෝන් මස්ක්ට අයත් Space X සමාගම මගින් ක්‍රියාත්මක Starlink චන්ද්‍රිකා අන්තර්ජාල සේවාව සඳහා තවත් චන්ද්‍රිකා 46ක් කක්ෂගත කිරීම පසුගියදා සිදුව තිබේ.

කැලිෆෝනියාවේ පිහිටි වැන්ඩෙන්බර්ග් අභ්‍යවකාශ කඳවුරේ සිට කක්ෂගත කෙරුණු Space X සමාගමට අයත් Falcon 9 රොකට්ටුව මගින් මෙම චන්ද්‍රිකා සාර්ථක ලෙස රැගෙන ගොස් තිබේ. මෙම Falcon 9 රොක්ට්ටුව යළි යළිත් භාවිතයට ගත හැකි මාදිලියේ රොකට්ටුවකි.

ඒ අනුව මෙය එම රොක්ට්ටුව මගින් සිදුකළ හත්වැනි මෙහෙයුමද වෙයි. මේ දක්වා Starlink සමාගම මගින් චන්ද්‍රිකා 3,000ක් පමණ පෘථිවි කක්ෂය වෙත යවා තිබේ.