රනිල්ගේ දොලපිදේනි අස්සේ මහින්ද දේශප්‍රියට යළිත් මැතිවරණ කොමිසම ගැන ආසාවක් ඇති වෙලා...

පළාත් පාලන මැතිවරණය ප්‍රකාශයට පත්කර තිබියදී පිහිටුවන ලද සීමානීර්ණ කොමිසමේ ප්‍රධානියා ලෙස කටයුතු කළ මැතිවරණ කොමිසමේ හිටපු සභාපති මහින්ද දේශප්‍රිය නැවත වරක් එම තරනතුරට අයදුම් කර තිබූ අතර එම අයදුම් පත්‍රය ඉල්ලා අස්කරගන්නා බව ලිඛිතව දන්වා එම ඉල්ලා අස්කරගැනීම යළි ඉල්ලා අස්කරගන්න බව ව්‍යවස්ථා සභාවට දැනුම් දී බව ඇති වාර්තා වේ.

මේ වනවිට රනිල් වික්‍රමසිංහ විසින් පළාත් පාලන මැතිවරණය කඩාකප්පල් කිරීමට විවිධ ආකාරයෙන් දායක වූ නිලධාරීන්ට නව තනතුරු පිරිනමින් සිටින අතර මහින්ද දේශප්‍රියද මෙලෙස ක්‍රියාකාරමින් සිටී.

පළාත් පලාන මැතිවරණයක් ප්‍රකාශයට පත්කර තිබූ අවස්ථාවේ මැතිවරණය කඩාකප්පල් කිරීම සඳහා මැතිවරණ කොමිෂන් සභාව තුළ සිටිමින් විවිධ ක්‍රියාමාර්ග ගත් බවට කොමිසමේ සාමාජිකා පී.එස්.එම් චාල්ස්ට චෝදනා එල්ල වී තිබේ. තමන්ට ජීවිත තර්ජන ඇතැයි එක් අවස්ථාවක ප්‍රකාශ කළ අතර මැතිවරණය ප්‍රකාශයට පත් කිරීමේ නිවේදනයට අත්සන් නොකිරීමටද කටයුතු කර තිබිණි.

මේ වනවිට උතුරු පළාතේ අණ්ඩුකාර ධුරයට රනිල් වික්‍රමසිංහ විසින් පී.එස්.එම් චාල්ස් පත් කර සිටියි. මැතිවරණ කොමිසමේ හිටපු සභාපති මහින්ද දේශප්‍රියද විවිධ අවස්ථාවල ඡන්ද දායකයන් ව්‍යාකූල කිරීමේ පරස්පර විරෝධී මෙන්ම කිසිදු ස්ථාවරයක් නොදරන ප්‍රකාශ සිදුකරණු ලැබීය.

පළාත් පාලන මැතිවරණය කඩාකප්පල් කිරීමට විවිධ ආකාරයෙන් අනුග්‍රාහ දැක්වූ නිලධාරින්ට රනිල් වික්‍රමසිංහ විසින් විශේෂ තනතුරු පිරිනැමීමේ ක්‍රියාවලියකට මුලපුරා ඇති බව පැහැදිලි වෙමින් තිබේ.